अधबैंसे हृदय !!

यो अधबैंसे मनको वा

जलन्त हृदयको कुनामा

लुकेका अनगिन्ती रहरहरु, 

अनि मौसमी तथा बेमौसमी सपनाहरु

अधबैंसे जोशसंगै

छाटिएको रुप संगै

पुरुषत्व जुगांको मैदानसंगै 

नारित्व स्तनको हिमालसंगै

यस्तैयस्तै नयाँ नयाँ  

परिवर्तनका विविध महत्वाकांक्षीहरु

रहरहरु,

भावनाहरु

योजनाहरु

विपनामा बदलिने सपनाहरु

वा सपनामै अडिने सपनाहरुको

संख्यात्मक लेखाजोखा राख्ने

गुणस्तरमापन गर्ने

यहि हो अनि मेरै आफ्नै हो

यो विशाल अधबैंसे मन ।।

फेरि,

कतै विपत सामुन्ने आउंँदा

भ्रमित तरंगहरु पैदा हुँदा 

फजुल निस्सासिन पुग्छ यो अधबैंसे मन

 आशारहित फेरि नउठ्ने गरि

तर पनि सक्रिय हुन छोड्दैनन

यो अधबैंसे मनको वा

जलन्त हृदयको कुनामा

लुकेका अनगिन्ती रहरहरु, 

अनि मौसमी तथा बेमौसमी सपनाहरु

#जय अधबैंसे मान्छेहरु# 

#Photo#Credit#Google